ದೀಪಾವಳಿ ಪ್ರಯಾಣಿಕರಿಗೆ ಸಿಹಿ ಸುದ್ದಿ: ಬೆಂಗಳೂರಿನಿಂದ 4 ವಿಶೇಷ ರೈಲುಗಳು ಸಂಚಾರ

ಬೆಂಗಳೂರು: ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಪ್ರಯಾಣಿಕರ ಸೌಕರ್ಯಕ್ಕಾಗಿ ರೈಲ್ವೆ ಇಲಾಖೆ ಬೆಂಗಳೂರಿನಿಂದ ಮುಖ್ಯ ನಗರಗಳಿಗೆ 4 ವಿಶೇಷ ರೈಲುಗಳನ್ನು ನಡೆಸಲು ನಿರ್ಧರಿಸಿದೆ. ಈ ಮೂಲಕ ದೀಪಾವಳಿ ಸಮಯದಲ್ಲಿ ಹೆಚ್ಚುವರಿ ಪ್ರಯಾಣಿಕ ದಟ್ಟಣೆಯನ್ನು ನಿರ್ವಹಿಸಲಾಗುವುದು. ಜೊತೆಗೆ, ಹುಬ್ಬಳ್ಳಿಯಿಂದ ಮುಜಾಫರ್‌ಪುರವರೆಗೆ ಇನ್ನೊಂದು ವಿಶೇಷ ರೈಲು ವ್ಯವಸ್ಥೆ ಮಾಡಲಾಗಿದೆ.

ಬೆಂಗಳೂರಿನಿಂದ ಸಂಚರಿಸುವ 4 ವಿಶೇಷ ರೈಲುಗಳು:

1. ಹುಬ್ಬಳ್ಳಿ-ಕೊಲ್ಲಂ ವಿಶೇಷ ರೈಲು (07313/07314):
   • ಹೊರಟ ಸಮಯ: ಅಕ್ಟೋಬರ್ 26, ಮಧ್ಯಾಹ್ನ 3:15 ಕ್ಕೆ ಎಸ್‌ಎಸ್‌ಎಸ್‌ ಹುಬ್ಬಳ್ಳಿಯಿಂದ ಕೊಲ್ಲಂ ಕಡೆ.
   • ತಲುಪುವ ಸಮಯ: ಅಕ್ಟೋಬರ್ 27, ಸಂಜೆ 5:10 ಕ್ಕೆ ಕೊಲ್ಲಂ ತಲುಪಲಿದೆ.
   • ಹಿಂದಿರುಗುವ ಸಮಯ: ಕೊಲ್ಲಂನಿಂದ ಅಕ್ಟೋಬರ್ 27 ರಾತ್ರಿ 8:30 ಕ್ಕೆ ಹೊರಟು, ಅಕ್ಟೋಬರ್ 28 ರಂದು ರಾತ್ರಿ 8:45 ಕ್ಕೆ ಹುಬ್ಬಳ್ಳಿಗೆ ತಲುಪಲಿದೆ.
   • ನಿಲ್ದಾಣಗಳು: ಹುಬ್ಬಳ್ಳಿ, ಬೆಂಗಳೂರು, ಹಾವೇರಿ, ದಾವಣಗೆರೆ, ಸೇಲಂ ಮುಂತಾದ ನಿಲ್ದಾಣಗಳಲ್ಲಿ ನಿಂತು ಸಂಚರಿಸುತ್ತದೆ.
2. ಬೆಂಗಳೂರು-ಸಂತ್ರಗಾಚಿ ವಿಶೇಷ ರೈಲು (06211/06212):
   • ಹೊರಟ ಸಮಯ: ಅಕ್ಟೋಬರ್ 26, ಬೆಳಿಗ್ಗೆ 10:15 ಕ್ಕೆ SMVT ಬೆಂಗಳೂರಿನಿಂದ ಹೊರಡಲಿದೆ.
   • ತಲುಪುವ ಸಮಯ: ಅಕ್ಟೋಬರ್ 27, ಸಂಜೆ 7:45 ಕ್ಕೆ ಸಂತ್ರಗಾಚಿ ತಲುಪಲಿದೆ.
   • ಹಿಂದಿರುಗುವ ಸಮಯ: ಅಕ್ಟೋಬರ್ 27, ರಾತ್ರಿ 11:30 ಕ್ಕೆ ಸಂತ್ರಗಾಚಿಯಿಂದ ಹೊರಟು, ಅಕ್ಟೋಬರ್ 28, ಮಧ್ಯಾಹ್ನ 12:30 ಕ್ಕೆ ಬೆಂಗಳೂರಿಗೆ ತಲುಪಲಿದೆ.
   • ನಿಲ್ದಾಣಗಳು: ಕೃಷ್ಣರಾಜಪುರಂ, ನೆಲ್ಲೂರು, ವಿಜಯವಾಡ, ಬೂವನೇಶ್ವರ್, ಖುರ್ದಾ ರೋಡ್, ಕಟಕ್ ಮುಂತಾದ ನಿಲ್ದಾಣಗಳಲ್ಲಿ ನಿಂತು ಸಂಚರಿಸುತ್ತದೆ.
3. ಯಶವಂತಪುರ-ಕೊಟ್ಟಾಯಂ ವಿಶೇಷ ರೈಲು (06215/06216):
   • ಹೊರಟ ಸಮಯ: ಅಕ್ಟೋಬರ್ 29, ಸಂಜೆ 6:30 ಕ್ಕೆ ಯಶವಂತಪುರದಿಂದ ಹೊರಡಲಿದೆ.
   • ತಲುಪುವ ಸಮಯ: ಅಕ್ಟೋಬರ್ 30, ಬೆಳಿಗ್ಗೆ 8:10 ಕ್ಕೆ ಕೊಟ್ಟಾಯಂ ತಲುಪಲಿದೆ.
   • ಹಿಂದಿರುಗುವ ಸಮಯ: ಅಕ್ಟೋಬರ್ 30, ಬೆಳಿಗ್ಗೆ 11:10 ಕ್ಕೆ ಕೊಟ್ಟಾಯಂನಿಂದ ಹೊರಟು, ಅಕ್ಟೋಬರ್ 31, ಬೆಳಗಿನ ಜಾವ 1:15 ಕ್ಕೆ ಯಶವಂತಪುರ ತಲುಪಲಿದೆ.
   • ನಿಲ್ದಾಣಗಳು: ವೈಟ್‌ಫೀಲ್ಡ್, ಸೇಲಂ, ತ್ರಿಶೂರ್, ಎರ್ನಾಕುಲಂ ಮುಂತಾದ ನಿಲ್ದಾಣಗಳಲ್ಲಿ ನಿಂತು ಸಂಚರಿಸುತ್ತದೆ.
4. ಬೆಂಗಳೂರು-ಕಲಬುರಗಿ ವಿಶೇಷ ರೈಲು (06217/06218):
   • ಹೊರಟ ಸಮಯ: ಅಕ್ಟೋಬರ್ 31, ರಾತ್ರಿ 9:15 ಕ್ಕೆ SMVT ಬೆಂಗಳೂರಿನಿಂದ ಹೊರಡಲಿದೆ.
   • ತಲುಪುವ ಸಮಯ: ನವೆಂಬರ್ 1, ಬೆಳಿಗ್ಗೆ 7:40 ಕ್ಕೆ ಕಲಬುರಗಿ ತಲುಪಲಿದೆ.
   • ಹಿಂದಿರುಗುವ ಸಮಯ: ನವೆಂಬರ್ 1, ಬೆಳಿಗ್ಗೆ 9:35 ಕ್ಕೆ ಕಲಬುರಗಿಯಿಂದ ಹೊರಟು, ರಾತ್ರಿ 8 ಗಂಟೆಗೆ SMVT ಬೆಂಗಳೂರು ತಲುಪಲಿದೆ.
   • ನಿಲ್ದಾಣಗಳು: ಯಲಹಂಕ, ರಾಯಚೂರು, ಧರ್ಮಾವರಂ, ಶಹಾಬಾದ್ ಮುಂತಾದ ನಿಲ್ದಾಣಗಳಲ್ಲಿ ನಿಂತು ಸಂಚರಿಸುತ್ತದೆ.

ಹುಬ್ಬಳ್ಳಿ-ಮುಜಾಫರ್‌ಪುರ ವಿಶೇಷ ರೈಲು (07315/07316):

• ಹುಬ್ಬಳ್ಳಿಯಿಂದ ಹೊರಟ ಸಮಯ: ನವೆಂಬರ್ 4, ಸಂಜೆ 5:20 ಕ್ಕೆ.
• ತಲುಪುವ ಸಮಯ: ನವೆಂಬರ್ 6, ಸಂಜೆ 4:00 ಕ್ಕೆ ಮುಜಾಫರ್‌ಪುರ ತಲುಪಲಿದೆ.
• ಹಿಂದಿರುಗುವ ಸಮಯ: ನವೆಂಬರ್ 9, ಮಧ್ಯಾಹ್ನ 1:15 ಕ್ಕೆ ಮುಜಾಫರ್‌ಪುರದಿಂದ ಹೊರಟು, ನವೆಂಬರ್ 11, ಬೆಳಿಗ್ಗೆ 10:30 ಕ್ಕೆ ಹುಬ್ಬಳ್ಳಿಗೆ ತಲುಪಲಿದೆ.
• ನಿಲ್ದಾಣಗಳು: ಧಾರವಾಡ, ಪುಣೆ, ಜಬಲ್‌ಪುರ, ಪಾಟ್ನಾ ಮುಂತಾದ ನಿಲ್ದಾಣಗಳಲ್ಲಿ ನಿಂತು ಸಂಚರಿಸುತ್ತದೆ.

ಪ್ರಯಾಣಿಕರಿಗೆ ಮಾಹಿತಿ:

ಈ ವಿಶೇಷ ರೈಲುಗಳ ಎಲ್ಲಾ ವಿವರಗಳನ್ನು www.enquiry.indianrail.gov.in ಅಥವಾ NTES ಅಪ್ಲಿಕೇಶನ್ ಮೂಲಕ ಪರಿಶೀಲಿಸಬಹುದು, ಅಥವಾ 139 ನಂಬರDial ಮಾಡಿ ಹೆಚ್ಚಿನ ಮಾಹಿತಿ ಪಡೆಯಬಹುದು.

ಈ ವಿಶೇಷ ರೈಲುಗಳು ದೀಪಾವಳಿ ಪ್ರಯಾಣವನ್ನು ಸುಗಮಗೊಳಿಸಲಿವೆ!